റഹ്‌മാൻ‌ക അന്തരിച്ചു.

മുൻ ഖലാസിയും ‘റഹ്‌മാൻ‌ക’ എന്നപേരിൽ പടിക്കൽ കാർക്കെല്ലാം സുപരിചിതനും സർവ്വോപരി പടിക്കലിന്റെ പ്രൗഢമായ പഴയകാലത്തിന്റെ പൗരുഷപ്രതീകവുമായിരുന്ന പി. കെ. റഹ്‌മാൻ‌ക ഇന്ന് വൈകിട്ട് 6മണിക്ക് അന്തരിച്ചു. നാളെ രാവിലെ 9 മണിക്ക് മയ്യിത്തെടുക്കും.

എഴുപതാം വയസ്സിലായിരുന്നു അന്ത്യം.

കരുത്തനും സ്നേഹസമ്പന്നനുമായ റഹ്‌മാൻ‌കയുടെ വിയോഗം പടിക്കൽ നിവാസികൾക്ക് തീരാനഷ്ടമാണ്.

എല്ലാവരും അദ്ധേഹത്തിനുവേണ്ടി മയ്യിത്ത് നിസ്കരിക്കണമെന്നും മഗ്‌ഫിറത്തിനുവേണ്ടി പ്രാർത്ഥിക്കണമെന്നും അഭ്യർത്ഥിക്കുന്നു.

നൌഷാദിന്റെ മയ്യിത്തും ലഭിച്ചു.

അരീപ്പാറ വെള്ളച്ചാട്ടത്തിൽ കാണാതായ ടി.സി. നൌഷാദിന്റെ മയ്യിത്തും ലഭിച്ചു. ഇന്ന് വൈകിട്ട് ഖബറടക്കം നടന്നു.

ഫസ്‌ലു വിന്റെ മയ്യിത്ത് ലഭിച്ചു

ഇന്നലെ അരീപ്പാറ വെള്ളച്ചാട്ടത്തിൽ കാണാതായ പടിക്കൽ സ്വദേശി ഫസ്‌ലുറഹ്‌മാന്റെ മയ്യിത്ത് ലഭിച്ചു. പോസ്റ്റ് മോർട്ടത്തിനു ശേഷം ഇന്ന് വൈകിട്ട് അഞ്ച് മണിയോടെ ഖബറടക്കം നടക്കുമെന്നറിയുന്നു. കൂടെ കാണാതായ ടി. സി. നൌഷാദിനെ ക്കുറിച്ച് ഇതുവരേ വിവരമൊന്നും ലഭിച്ചിട്ടില്ല.

അരീപ്പാറ വെള്ള ച്ചാട്ടത്തിൽ പടിക്കൽ സ്വദേശികളെ കാണാതായി.

ഇന്ന് വൈകിട്ട് അരീപ്പാറ വെള്ളച്ചാട്ടം കാണാനെത്തിയ പടിക്കൽ യുവസംഗമം ടീമിൽ പെട്ട ഫസ്‌ലു, ടി.സി. നൌഷാദ് എന്നിവരെ കാണാതായതായി വിവരം ലഭിച്ചിരിക്കുന്നു. ഇവർക്കായി പോലീസും ഫയർ‌ഫോഴ്സും നാട്ടുകാരും തിരച്ചിൽ തുടരുന്നു.

മര്‍ഹും വി രായീന്‍ കുട്ടിമുസ്ലിയാരുടെ മകന്‍ അബ്ദുള്ളക്കുട്ടി എന്ന കുട്ട്യാവ അന്തരിച്ചു

ഇന്നാലില്ലാഹി വഇന്നാ ഇലൈഹി റാജിഹൂന്‍.

പടിക്കോട്ടും പടി മഹല്ല് സ്വദേശിയും മര്‍ഹും വി രായീന്‍ കുട്ടിമുസ്ലിയാരുടെ മകനുമായ വി അബ്ദുള്ളക്കുട്ടി (കുട്ട്യാവ) ഇന്ന് അന്തരിച്ചു.. നീണ്ടവര്‍ഷക്കാലം പ്രവാസിയായിരുന്ന അദ്ദേഹം ഈ അടുത്താണ് സ്വദേശത്തേക്ക് മടങ്ങിയത്.
അബ്ദുള്‍ അസീസ്, അബു, ബാവ എന്നിവര്‍ സഹോദരങ്ങളാണ്.
പരേതനുവേണ്ടി മയ്യിത്ത് നിസ്കരിക്കുവാനും പരലോകവിജയത്തിനായി പ്രാർത്ഥിക്കുവാനും സ്വദേശത്തും വിദേശത്തുമുള്ള എല്ലാവരോടും അഭ്യർത്ഥിക്കുന്നു.

ചെനാത്ത് മൊയ്തീൻ കുട്ടിഹാജി അന്തരിച്ചു.

പടിക്കൽ അങ്ങാടിയിലെ പ്രമുഖ പച്ചക്കറികച്ചവടക്കാരനും എല്ലാവരുടെയും സുപരിചിതനുമായ തുണിച്ചാലിൽ ചെനാത്ത് മൊയ്തീൻ കുട്ടിഹാജി അന്തരിച്ചു.
ജിദ്ദയിൽ ജോലിചെയ്യുന്ന ഹംസഫൈസി, ബഷീർ, സൈതലവി, എന്നിവരും നാട്ടിൽ പച്ചക്കറി ബിസിനസ്സുകാരനായ അബൂബക്കർ സിദ്ദീഖും മക്കളാണ്.
മകൾ ഹാജറ, ഭാര്യ ഫാത്തിമ.
പരേതനുവേണ്ടി മയ്യിത്ത് നിസ്കരിക്കുവാനും പരലോകവിജയത്തിനായി പ്രാർത്ഥിക്കുവാനും സ്വദേശത്തും വിദേശത്തുമുള്ള എല്ലാവരോടും അഭ്യർത്ഥിക്കുന്നു.

മണക്കടവന്‍ കുഞ്ഞിമൊയ്തീന്‍ ഹാജി അന്തരിച്ചു.

27-11-2008
ചേളാരിയിലെ പൌരപ്രമുഖനും മത-രാഷ്ട്രീയ രംഗത്ത് നിറഞ്ഞുനിന്നിരുന്ന വ്യക്തിത്വവുമായിരുന്ന മണക്കടവന്‍ കുഞ്ഞിമൊയ്തീന്‍ ഹാജി അന്തരിച്ചു.
ഖബറടക്കം നാളെ പടിക്കല്‍ ജുമാമസ്ജിദ് ഖബറ്സ്ഥാനില്‍ നടക്കും.

നമ്പീരി മമ്മദാജി അന്തരിച്ചു.

7-7-2008
പടിക്കലെ പൌരപ്രമുഖനും മത സാംസ്കാരിക രംഗത്തെ നിറസാന്നിധ്യവുമായിരുന്ന നമ്പീരി മമ്മദാജി ഇന്ന് രാവിലെ അന്തരിച്ചു.
വൈകിട്ട് വന്‍ ജനാവലിയുടെ സാന്നിധ്യത്തില്‍ പടിക്കല്‍ ജുമാമസ്ജിദില്‍ ഖബറടക്കം നടന്നു.
മകന്‍ എന്‍ .ശുകൂര്‍ ജിദ്ദയിലാണ്.
പരേതന് വേണ്ടി മയ്യിത്ത് നിസ്കരിക്കുവാനും മഗ്‌ഫിറത്തിന് വേണ്ടി പ്രാര്‍ത്ഥിക്കുവാനും വിദേശത്തുള്ള എല്ലാവരോടും അഭ്യര്‍ത്ഥിക്കുന്നു.

കുട്ടശേരി ഹസ്സന്‍‌കുട്ടി മരിച്ചു.

പടിക്കല്‍ സ്വദേശി കുട്ടശേരി ഹസ്സന്‍‌കുട്ടി ഇന്നലെ (6-1-08) മരണപ്പെട്ടു. പരേതനു വേണ്ടി മയ്യിത്ത് നിസ്കരിക്കുവാനും മഗ്ഫിറത്തിന് വേണ്ടി പ്രാര്‍ത്ഥിക്കുവാനും എല്ലാവരോടും അപേക്ഷിക്കുന്നു.
വാര്‍ത്ത നല്‍കിയത്:-അരീക്കാടന്‍ അഷ്‌റഫ് areekadanashraf@yahoo.com

മുള്ളന്‍‌മടക്കല്‍ സൂപ്പിക്ക നിര്യാതനായി.

പടിക്കലെ മത സംഘടനാരംഗത്തെ നിറഞ്ഞസാന്നിധ്യമായിരുന്ന മുള്ളന്‍ മടക്കല്‍ സൂപ്പിക്ക ഇന്ന് രാവിലെ (13.12.07)നിര്യാതനായി.

അസുഖബാധിതനായി ആശുപത്രിയിലായിരുന്നു. പടിക്കല്‍ മദ്രസയുടെ മുഴുസമയ പ്രവര്‍ത്തകനും നാട്ടുകാര്‍ക്ക് സുപരിചിതനുമായിരുന്ന സൂപ്പിക്ക മുമ്പ് പള്ളിക്കടുത്ത ബസ്‌സ്‌റ്റോപ്പില്‍ നടത്തിയിരുന്ന പെട്ടിക്കട മിക്കവരുടെയും കുട്ടിക്കാല ഓര്‍മ്മയില്‍ സ്ഥാനം പിടിച്ചതാണ്.

ഖബറടക്കം ഉച്ചക്ക് പടിക്കല്‍ ജുമാമസ്ജിദ് ഖബറ്‌സ്ഥാനില്‍ നടന്നു.
നാസര്‍,അസീസ് എന്നിവര്‍ ആണ്മക്കളാണ്.

വിദേശത്തുള്ള എല്ലാ നാട്ടുകാരും അദ്ദേഹത്തിന് വേണ്ടി മയ്യിത്ത് നിസ്കരിക്കുക, മഗ്‌ഫിറത്തിന് വേണ്ടി പ്രാര്‍ത്ഥിക്കുക.

അറിയിപ്പ്.

ഈ വരുന്ന വെള്ളിയാഴ്ച (7/12/2007ന്) മഗ്‌രിബ് നമസ്കാരാനന്തരം ഷറഫിയ്യ പടിക്കല്‍ ഹൌസില്‍ വവെച്ച് ഈ അടുത്ത കാലത്ത് പടിക്കല്‍ മഹല്ലില്‍ നിന്നും തൊട്ടടുത്ത അയല്‍ പ്രദേശങ്ങളില്‍ നിന്നും മരിച്ചവര്‍ക്ക് വേണ്ടി മയ്യത്ത് നമസ്കരിക്കാന്‍ തീരുമാനിച്ചിരിക്കുന്നു." ജിദ്ദയിലും പരിസരത്തുമുള്ള എല്ലാ പടിക്കല്‍ മഹല്ല് നിവാസികളും അന്ന് കത്യസമയത്ത് തന്നെ ഷറഫിയ്യ പടിക്കല്‍ ഹൌസില്‍ എത്തിച്ചേരണമെന്ന് അഭ്യര്‍ത്തിക്കുന്നു.
പി.കെ. റഷീദ്.

പി.വി.എസ്. പടിക്കലിന് അവാര്‍ഡ്.

ഈ വര്‍ഷത്തെ അധ്യാപക കലാസാഹിത്യ സമിതി ടാലന്റ് അവാര്‍ഡ് പി.വി. സൈദലവിമാസ്റ്റര്‍(പി.വി.എസ്.പടിക്കല്‍) ക്ക് ലഭിച്ചു. ഈ ലിങ്ക് നോക്കുക
ദി.ഹിന്ദു വില്‍ നിന്ന്
The Adhyapaka Kalasahithya Samiti has chosen P.V.S. Padikkal for its State talent award this year. A teacher at A.M.L.P. School, Chernnur in Malappuram district, Mr. Padikkal has been selected for the award for his anthologies of children’s poems.

സൌദിയിലെ ജീസാനില്‍ വാഹനാപകടം. പടിക്കല്‍ സ്വദേശി മരിച്ചു.

നവംബര്‍ 27 ചൊവ്വ.
പടിക്കല്‍ സ്വദേശിയും മേപ്പാടത്തില്‍ കുഞ്ഞിമരക്കാറുടെ എളാപ്പയുടെ മകനുമായ ഓട്ടക്കഞ്ഞീരത്തില്‍ കോയ 37 ഇന്ന് സൌദിഅറേബ്യയിലെ ജീസാനിനും കോണ്‍ഫുടക്കുമിടയിലുണ്ടായ വാഹനാപകടത്തില്‍ മരിച്ചു.

മൃത ദേഹം കോണ്‍ഫുട ഗവ.ഹോസ്പിറ്റലില്‍ സൂക്ഷിച്ചിരിക്കുന്നു.
കൂടുതല്‍വിവരങ്ങള്‍ അറിവായിട്ടില്ല.

വാഹനാപകടത്തില്‍ പരിക്കേറ്റ അലി അക്‍ബറും മരിച്ചു.

നവംബര്‍ 10 വെള്ളി
പാലക്കല്‍ നടന്ന വാഹനാപകടത്തില്‍ പരിക്കേറ്റ് ആശുപത്രിയില്‍ ചികിത്സയിലായിരുന്നചെറാശേരി സെയ്തിന്റെ മകന്‍ അലിഅക്‍ബറും മരണപ്പെട്ടു

ചേളാരിയില്‍ മൊബൈല്‍ ഷോപ്പ് ജോലിക്കാരനായിരുന്നു. ജിദ്ദയില്‍ ജോലിചെയ്യുന്ന ഹാരിസ് സഹോദരനാണ്. ഉമ്മ ഖദീജ.

പരേതന് വേണ്ടി മയ്യിത്ത് നിസ്കരിക്കുവാനും മഗ്ഫിറത്തിന് വേണ്ടി പ്രാര്‍ത്തിക്കുവാനും എല്ലാവരോടും അഭ്യര്‍ത്തിക്കുന്നു.

വാഹനാപകടം പടിക്കല്‍ സ്വദേശി മരിച്ചു.

2007 നവംബര്‍ 4 ശനി

ഇന്ന് ഉച്ചക്ക്‌ പാലക്കലുണ്ടായ വാഹനാപകടത്തില്‍ ഒരാള്‍ മരിക്കുകയും ഒരാള്‍ക്ക്‌ പരിക്കേല്‍ക്കുകയും ചെയ്തു.

ചെറാശേരി കുഞ്ഞീന്‍ക്കയുടെ മക്കളായ സെയ്തിന്റെയും അസീസിന്റെയും മക്കളായ അലിഅക്‍ബര്‍(18), മുഹമ്മദ്‌ അഷ്‌റഫ്‌(19) എന്നിവര്‍സഞ്ചരിച്ച ബൈക്ക്‌ ബസ്സുമായി കൂട്ടിയിടിക്കുകയായിരുന്നു. ഇതില്‍ മുഹമ്മദ്‌ അഷറഫ്‌ മരണപ്പെട്ടു. അലിഅക്‍ബര്‍ പരിക്കുകളോടെ ആശുപത്രിയിലാണ്‌.

ഇരുവരും അവിവാഹിതരാണ്‌. വയറിംഗ്‌ ജോലിചെയ്തിരുന്ന മരണപ്പെട്ട മുഹമ്മദ്‌ അഷ്‌റഫിന്റെ പിതാവ്‌ അസീസ്‌ ജിദ്ദയില്‍ ത്വയ്‌ബാ സൂപ്പര്‍മാര്‍ക്കറ്റില്‍ ജോലിക്കാരനാണ്‌. ഉമ്മ ജമീല. മയ്യിത്ത്‌ നാളെ പടിക്കല്‍ ജുമാമസ്ജിദ്‌ ഖബര്‍സ്ഥാനില്‍ മറവ്‌ ചെയ്യും.

പരിക്കേറ്റ അലിഅക്‌ബര്‍ ചേളാരി മൊബെയില്‍ ഷോപ്പില്‍ ജോലിക്കാരനാണ്‌. ജ്യേഷ്ടന്‍ ഹാരിസ്‌ ജിദ്ദയില്‍ ജോലിചെയ്യുന്നു. ഉപ്പ സെയ്ത്‌, ഉമ്മ ഖദീജ.

മരിച്ച മുഹമ്മദ്‌ അഷ്‌റഫിന്‌ വേണ്ടി മയ്യിത്ത്‌ നിസ്കരിക്കുവാനും പരലോക മോക്ഷത്തിന്‌ വേണ്ടി പ്രാര്‍ത്ഥിക്കുവാനും എല്ലാവരോടും അഭ്യര്‍ത്ഥിക്കുന്നു.
ഇത്തരം അത്യാഹിതങ്ങള്‍ ഇനിയും നമ്മുടെനാട്ടില്‍ ഉണ്ടാകാതിരിക്കുവാന്‍ എല്ലാവരും പ്രാര്‍ത്ഥിക്കുക.

ഈവാര്‍ത്തക്ക് വേണ്ട വിവരങ്ങള്‍ നല്‍കിയത്:- സി.വി. ഇസ്മായില്‍ മൊബൈല്‍:00919895209572

സാഹിബ് മുഹമ്മദ്‌ക്ക അന്തരിച്ചു.

2007നവംബര്‍ 1 വ്യാഴം
പടിക്കലെ പൌരപ്രമുഖനും രാഷ്ട്രീയ സാംസ്കാരിക രംഗത്ത് നിറഞ്ഞുനിന്നിരുന്ന വ്യക്തിയുമായിരുന്ന സാഹിബ് മുഹമ്മദ്‌ക്ക എന്ന സി.മുഹമ്മദ് സാഹിബ് അന്തരിച്ചു.

ഇന്ന് അസര്‍നിസ്കാരാനന്തരം വീട്ടിലേക്ക് മടങ്ങവെ റോഡില്‍ വീണ് മരിക്കുകയായിരുന്നു. മരണകാരണം അവ്യക്തമാണ്. ‘ഒരു ബൈക്ക് അദ്ദേഹത്തെ ഇടിച്ചു‘ എന്ന് അഭ്യൂഹമുണ്ട്. ഹൃദയ സംബന്ധമായ അസുഖമുള്ള വ്യക്തിയായിരുന്നു.

ഖബറടക്കം നാളെ പടിക്കല്‍ ജുമാമസ്ജിദ് ഖബര്‍‌സ്ഥാനില്‍ നടക്കും വിദേശത്തുള്ള എല്ലാ പടിക്കല്‍ കാരും അദ്ദേഹത്തിന് വേണ്ടി മയ്യിത്ത് നിസ്കരിക്കണമെന്നും മഗ്‌ഫിറത്തിന് വേണ്ടി പ്രാര്‍ത്തിക്കണമെന്നും അഭ്യര്‍ത്ഥിക്കുന്നു.

മനാഫ് വാഹനാപകടത്തില്‍ മരിച്ചു.

ചക്കാല പോക്കര്‍ കാക്കയുടെ മകന്‍ അബ്ദുസ്സമദ് എന്ന മനാഫ്(28) ഒമാനിലെ സലാലയില്‍ വാഹനാപകടത്തില്‍ മരിച്ചു.

സലാലക്കടുത്ത ഇബ്രീത്തില്‍‌വച്ച് മനാഫ് സഞ്ചരിച്ച വാഹനം ടയര്‍ പൊട്ടി മറിയുകയായിരുന്നു.

നടപടിക്രമങ്ങള്‍ പൂര്‍ത്തിയായാല്‍ മയ്യിത്ത് മറ്റന്നാള്‍ നാട്ടിലെത്തിക്കാനാകുമെന്ന് ബന്ധുക്കള്‍ അറിയിച്ചു.

ഏതാനും വര്‍ഷങ്ങള്‍ക്ക് മുമ്പ് മനാഫിന്റെ ജ്യേഷ്ഠന്‍ നാട്ടില്‍ ഒരു വാഹനാപകടത്തില്‍ മരിച്ചിരുന്നു. മൂന്ന് വര്‍ഷം മുമ്പ് വിവാഹിതനായ മനാഫിന് ഷാജ, ജിബിന്‍ എന്നീരണ്ട് മക്കളുണ്ട്. ഭാര്യ ജംഷീറ, മാതാവ് ആമിനക്കുട്ടി.

അകാലത്ത് നമ്മോട് വിട്ട് പിരിഞ്ഞ മനാഫിന്റെ മഗ്‌ഫിറത്തിന് വേണ്ടി പ്രാര്‍ത്തിക്കാനും മയ്യിത്ത് നിസ്കരിക്കുവാനും എല്ലാവരോടും അഭ്യര്‍ത്ഥിക്കുന്നു.

പാണക്കാടന്‍ സൈദു അന്തരിച്ചു.

ഇന്നലെ ( 8 -9 -07) മുന്‍ പ്രവാസിയും പടിക്കല്‍ നിവാസിയുമായ പാണക്കാ‍ടന്‍ മുഹമ്മദ് കായുടെ മന്‍ " സൈദു " മരണപ്പെട്ടു. ഇന്ന് (9-9-07) ളുഹറ് നിസ്കാരാനന്തരം പടിക്കല്‍ ജുമാ‌അത്ത് പള്ളി ഖബര്‍‌സ്ഥാനില്‍ മയ്യിത്ത് ഖബറടക്കം നടന്നു. പരേതന്റെ പരലോക മോക്ഷത്തിനായി എല്ലാവരും പ്രാര്‍ത്ഥിക്കുക. മയ്യിത്ത് നിസ്കരിക്കുക.

പടിക്കല്‍ ജുമാമസ്ജിദ് പരിപാലകന്‍ മമ്മുദുകാക്ക അന്തരിച്ചു

22-6-07
പടിക്കല്‍ ജുമാമസ്ജിദില്‍ കാലങ്ങളായി പരിപാലന ജോലികള്‍ ചെയ്തിരുന്ന പടിക്കലെ എല്ലാവരുടെയും പ്രിയപ്പെട്ട മമ്മുദുകാക്ക അന്തരിച്ചു.
ഒരുപാട് കാലമായി അനേകം മയ്യിത്തുകള്‍ക്ക് അന്ത്യ പരിപാലനം നടത്തിയ ആമഹാനുഭാവന്റെ മയ്യിത്ത് ഇന്ന് പടിക്കല്‍ പള്ളിഖബര്‍‌സ്ഥാനില്‍ മറവ് ചെയ്യപ്പെടും. നൂറുകണക്കിന് ഖബറുകള്‍ വെട്ടിയ അനേകം മനുഷ്യ ശരീരങ്ങളെ ‘ബിസ്മില്ലാഹി വാലാമില്ലത്തിറസൂലുല്ലാഹി...’ എന്നുപറഞ്ഞ് മണ്ണിലേക്ക് വെച്ച ആകൈകള്‍ ചേതനയറ്റ് നമ്മോട് വിടപറഞ്ഞു.

ശാന്തമായ മുഖത്തോടെ എല്ലാവരോടും സൌമ്യമായി മാത്രം കുശലം ചോദിച്ചിരുന്ന,വെറുപ്പോ വിദ്വേഷമോ ആരോടും കാണിക്കാത്ത ആ സ്വാത്വികാത്മാവ് സര്‍വ്വശക്തന്റെ സന്നിധിയിലേക്ക് പറന്നു.
മയ്യിത്ത് നിസ്കാരം ഇന്ന് പടിക്കല്‍ ജുമാമസ്ജിദില്‍ നടക്കും ഇന്ന് ഗള്‍ഫില്‍ വിവിധ സ്ഥലങ്ങളിലും മയ്യിത്ത് നിസ്കാരങ്ങള്‍ നടക്കും.
ഒരുപുരുഷായുസ്സ് മുഴുവന്‍ പടിക്കല്‍ പള്ളിക്ക് വേണ്ടി ചിലവഴിച്ച ആമനുഷ്യന്റെ മയ്യിത്ത് എല്ലാവരും നിസ്കരിക്കുകയും അദ്ധേഹത്തിന്റെ മഗ്‌ഫിറത്തിന്ന് വേണ്ടി പ്രാര്‍ത്തിക്കുകയും ചെയ്യുക.