22-6-07
പടിക്കല്‍ ജുമാമസ്ജിദില്‍ കാലങ്ങളായി പരിപാലന ജോലികള്‍ ചെയ്തിരുന്ന പടിക്കലെ എല്ലാവരുടെയും പ്രിയപ്പെട്ട മമ്മുദുകാക്ക അന്തരിച്ചു.
ഒരുപാട് കാലമായി അനേകം മയ്യിത്തുകള്‍ക്ക് അന്ത്യ പരിപാലനം നടത്തിയ ആമഹാനുഭാവന്റെ മയ്യിത്ത് ഇന്ന് പടിക്കല്‍ പള്ളിഖബര്‍‌സ്ഥാനില്‍ മറവ് ചെയ്യപ്പെടും. നൂറുകണക്കിന് ഖബറുകള്‍ വെട്ടിയ അനേകം മനുഷ്യ ശരീരങ്ങളെ ‘ബിസ്മില്ലാഹി വാലാമില്ലത്തിറസൂലുല്ലാഹി...’ എന്നുപറഞ്ഞ് മണ്ണിലേക്ക് വെച്ച ആകൈകള്‍ ചേതനയറ്റ് നമ്മോട് വിടപറഞ്ഞു.
ശാന്തമായ മുഖത്തോടെ എല്ലാവരോടും സൌമ്യമായി മാത്രം കുശലം ചോദിച്ചിരുന്ന,വെറുപ്പോ വിദ്വേഷമോ ആരോടും കാണിക്കാത്ത ആ സ്വാത്വികാത്മാവ് സര്‍വ്വശക്തന്റെ സന്നിധിയിലേക്ക് പറന്നു.
മയ്യിത്ത് നിസ്കാരം ഇന്ന് പടിക്കല്‍ ജുമാമസ്ജിദില്‍ നടക്കും ഇന്ന് ഗള്‍ഫില്‍ വിവിധ സ്ഥലങ്ങളിലും മയ്യിത്ത് നിസ്കാരങ്ങള്‍ നടക്കും.
ഒരുപുരുഷായുസ്സ് മുഴുവന്‍ പടിക്കല്‍ പള്ളിക്ക് വേണ്ടി ചിലവഴിച്ച ആമനുഷ്യന്റെ മയ്യിത്ത് എല്ലാവരും നിസ്കരിക്കുകയും അദ്ധേഹത്തിന്റെ മഗ്‌ഫിറത്തിന്ന് വേണ്ടി പ്രാര്‍ത്തിക്കുകയും ചെയ്യുക.
Thursday 21 June 2007
Subscribe to:
Posts (Atom)
